#1
| |||
| |||
قصايد شعرية ضاقت بوجهــــــــــــــــــي العيد هـلّ وزغـــرد النـاس فرحـه وأناأحس أني من النـص مقسـوم اللــي شرى بشـت وطيـب لصبحـه وأنا شريت من العناء هـمّ بالكـوم وجه الفرح يلبس على الراس طرحه ووجهي غدى من لوعة الوقت ملطوم والحزن شيّد داخـــل القلـب صرحـه وثوب السعد من شدة الضيم مخروم الأمس مثل اليـوم والغـد ّشرحـه الأمس مـرّ وباقـي الغـد واليـوم من حرقتي أحس في الجوف قرحـه أضحك بوجه الناس والجوف مسموم وعدّ دمع العين لـو شـح نضحـه يندى جبيني بالعرق مثـل محمـوم من عقب ما دنياي بالفـرح برحـه ضاقت بوجهي وكل موجود معـدوم وأرست مراكـب ذكـــــرياتـي فحـه على ضفاف الموت وأصبحت مرحوم وعمق الألم طوله تسـاوى بسفحـه ولجت في موجه وأنا ماعرف أعـوم كانت مشاعرنا مع الوقـت سمحـه وكنا نعزي النفس عن ضحكة اللـوم حتى أنفرط حبل الصبر فرط سبحـه وحظي تعثّر كل مـــــا حـاول يقـوم ما فيه فرق بيـن خسـره وربحـه وما عاد أميز بين خـادم ومخـدوم صرخت حتـى لازم الصـوت بحـه وحاولت أخفي كـل ماكـان معلـوم ياشين وجه الوقـت ياشيـن قبحـه ثقيل طينه جـرت خطـاه بالشـوم غرز بمجرى الظهر ياخـوك رمحـه حتى أنبثق صدري من الجرح مكلوم أرهقت عمري ليـن مليـت كدحـه وأصبحت كني راعي ضيّـع القـوم يـا قطعـة منـي فقــــــدتـك بلمحـه هبّ القدر وأخذك وأخذ لـذة النـوم واللي فقير الحال مـن دون صحـه لامن ذكرته صـرت بالهـم محكـوم ياليتني أصحى علـى قـول مزحـه ويقول لي شخص تراك أنت موهـوم لألعب على أوتار الطرب لعب دحـه وأجاوب أهل الطار بلحون مضيـوم شرعت لك يالصبـر بـاب وفتحـه أن جيت والأ مانت ياصبـر ملـزوم وشلـون أعيّـد دام مافيــــه فرحـه ومحد ٍيغيّر شيء مـن الله مقسـوم المصدر: اقرأ أيضا::
المصدر: منتدي صور حب rwhd] auvdm qhrj f,[iJJJJJJJJJJJJJJJJJJd |
الكلمات الدليلية (Tags) |
ضاقت, بوجهــــــــــــــــــي |
| |